Alex Smith

Објектот е составен од три ламели и истиот претставува AБ скелетен конструктивен систем кој се состои од подрум, приземје и два ката во првите две ламели, додека последната ламела завршува со приземје.

Деловниот простор е застапен на приземје и на прв кат и има засебен влез и вертикални комуникации на западната страна на објектот. Планирани се пет стана, по еден на приземје и прв кат и три стана на вториот кат.

Паркирањето е решено на ниво на терен во склоп на парцелата. Освен паркинг, се предвидува и ниско партерно зеленило, а обезбедено е и непречено движење низ парцелата.